Почетна
Мапа на сајтотAlumni база
Почитувани поранешни студенти, колеги, соработници и пријатели на Економскиот факултет – Прилеп
Економскиот факултет-Прилеп е Вашето образовно минато, што е сигурна подлога на Вашата кариера. Тој е најстарата членка на Универзитетот „Св.Климент Охридски“-Битола и речиси 50-годишна реалност на остварените визии за развој на високото образование во Република Македонија. Неговите интелектуални капацитети, програмски ориентации и наставни содржини доследно се инкорпорирани во Вашите стекнати знаења, а токму тоа ја проектира врската за натамошна соработка.
Вие, нашите дипломирани студенти, сте промотори на Вашиот и наш Факултет и, без разлика каде и да сте, можете, преку воспоставување поинтензивна комуникација, да придонесете да ја развиваме размената на стекнатите искуства, надградени сознанија и вештини за заеднички да ја профилираме иднината на оваа институција.
Досегашните резултати, според бројноста на дипломираните студенти, магистрантите и докторантите, како и квалитетот на наставната, истражувачката и апликативната дејност, сами за себе, ја потврдуваат динамиката со којашто се движи Факултетот во насока на остварување на развојните тенденции.
Имплементирањето на современите образовни промени и следењето на едукативните трендови се наша трајна определба, па затоа по прифаќањето на Болоњската декларација и вградувањето на нејзината суштина во секојдневното реализирање на образовниот процес, денес ја формираме ALUMNI како интегрирачки потенцијал за етаблирање на врските со Вас.
ALUMNI, се надеваме, ќе биде двонасочната врска за комуникација, што ќе значи и заедничка грижа за иднината на Економскиот факултет-Прилеп, неговиот развој и препознатливост во едукативниот простор на Република Македонија.
Сите Ваши предлози, сугестии, мислења и идеи можете да ги доставувате на e-mail адресата дадена на нашата веб страница:www.eccfp.uklo.edu.mk
Срдечни поздрави!