ТРАДИЦИЈА - ПЕРСПЕКТИВА - УСПЕХ

Што и каде ќе студирате ?

Исправени сте пред многу важна одлука. Треба да се определите за вашата животна професија и за високообразовната институција во којашто ќе студирате.

Затоа, и вашата одлука треба да биде добро осмислена и да се заснова врз вашите досегашни резултати, афинитети, амбиции.... Но, и врз вашата реална проценка за квалитетот, рејтингот, сигурноста, досегашните резултати и перспективите на високообразовната институција која треба да Ви овозможи стекнување реномирана и акредитирана универзитетска диплома.

Доколку се определите да студирате економија и бизнис, тогаш Економскиот факултет во Прилеп е вашиот вистински избор.

Зад нас се 46 години традиција и успех.

Пред нас се новите и јасни перспективи, и новите вредности и можности што Ви ги нудиме.

Што конкретно Ви нуди Економскиот факултет - Прилеп ?

Факултетот Ви нуди пет современи студиски програми, дизајнирани според европските стандарди во високото образование. Секоја од овие студиски програми обезбедува соодветна специјализација во определена област на економијата и бизнисот, и едукација на профил на кадар во согласност со апсорпциската моќ и потребите на пазарот на работна сила во Република Македонија. Во зависност од Вашите афинитети и визии за иднината, можете да изберете една од следните студиски програми :

1. Бизнис економија
2. Маркетинг менаџмент
3. Деловна статистика и информатика
4. Меѓународна економија и бизнис
5. Сметководство, финансии и ревизија

Економскиот факултет - Прилеп Ви нуди можности за натамошен професионален развој и усовршување преку организирање и на современи и атрактивни студиски програми на последипломските студии.

Кои се нашите перформанси ?

1. Долга и успешна традиција
2. Акредитирана високообразовна институција
3. Професорски кадар од земјата и странство
4. Европски Кредит Трансфер Систем
5. Современа организација на наставата и целокупното работење на Факултетот
6. Современи амфитеатри и предавални со извонредни услови за изведување настава со квалитетна компјутерска и аудио - визуелна опрема, со капацитет од 1800 седишта
7. Современ компјутерски центар со 150 компјутерски седишта и три работни простории
8. Богата библиотека и пространа читална
9. Развиена меѓународна соработка
10. Интернет клуб со бесплатен интернет пристап
11. Обезбедена практична работа во реномирани компании
12. Мобилност и размена на студенти, стипендии, награди и ослободување од партиципација
13. Можности за учество во конкретни научно-истражувачки проекти
14. Организирање на професионален развој и денови на кариерата
15. Можности за учество на студентите во меѓународни летни школи, економијади и сл.